«ЯСАУИТАНУ-2024» БАЙҚАУЫ

  Шымкент қаласы Әдістемелік орталығының жылдық жұмыс жоспарына және 2024 жылғы 28 ақпан күні «Ясауитану-2024» республикалық білім байқауының қалалық кезеңі С.Нұрмағамбетов атындағы №72 жалпы орта білім беретін мектеп базасында өткізілді.

            Байқаудың мақсаты: Қазақ халқының рухани тұтастығын қалыптастырған Қожа Ахмет Ясауи бабамыздың хикметтерін насихаттау; сол арқылы жас буынды елдік санаға, адамгершілікке, ізгілікке баулу; Қожа Ахмет Ясауи кесенесінде жерленген тарихи тұлғалардың өмірі мен қызметін өскелең ұрпақтың бойына сіңіру; Тарихи-мәдени ескерткіштерді, жәдігерлерді насихаттау.

           Байқау екі кезеңнен тұрады: 1-кезеңде қатысушылар алдын-ала берілген 40 хикметті жатқа айтудан жарысып, 2-кезеңде Қожа Ахмет Ясауидің өмірі мен шығармаларына, хикметтердегі ұғымдарға, Қожа Ахмет Ясауи кесенесі мен ондағы жәдігерлерге, Қазақстан тарихына қатысты алдын-ала дайындалған сұрақтарға жауап берді. 

Аталған байқауға қала мектептерінен 101 оқушы қатысты.

             Екі кезеңнің қорытындысы бойынша байқау нәтижесі төмендегідей болды:

Бас жүлде - №100 мектеп оқушысы Сейдулла Жақсыбек; 

І орын - «Intellect» мектебінің оқушысы Нұрманбек Каусар;

ІІ орын - №99 мектеп-гимназия оқушысы Шамшат Әділет;

ІІІ орын - №66 ЖОББМ оқушысы Аздар Ерасыл және №83 ЖОББМ оқушысы Рахман Кәусар иеленді. 

           Жүлдегер оқушылар ағымдағы жылдың сәуір айының 18-19 күндері  Түркістан қаласында өтетін байқаудың республикалық кезеңіне жолдама алды.